Para Sa Akong Amahan (For My Father)

Sugud sa una pa, akong mama ug papa sigeg pangitag kwarta kay lage kaming mag igsuuna nangiskwela pa Lisud ang kinabuhi sauna ikumpara karun problema dinhe, problema didto asa naman lang ko ani?

Makahinumdum ko sauna nga mga nangagi na sauna nga nag iskwela pako, grabe ang problema bisag ang bayrunon sa iskwelahan gamay ra problema nako, problema sa akong manghud, problema tanan dili lalim nga mag tan aw ka nga nag lalis imong mama ug papa

Ug sa wala damha, Akong papa ni desisyun nga mo larga mo larga siya para sa kaayuhan sa among pamilya dili lalim ang malayu ka sa imong amahan Huna huna didto ug diri.

Ug tuud man naka larga akong papa kay tungud sa akong mama Utang dinhe ug utang didto Pangayug tabang bisag asa pa Dili lalim ang molarga nga walay kwarta dapat unta diay mag andam kay dako kaayu ang mga bayranan.

Nilabay na ang 2 ka tuig, nalipay mi kay ang akong amahan ni uli nagdala ug mga gasa alang kanamu ug nag celebrate pa gyud ug Christmas ug New Year Its nice to be back and you will be a complete family.

Sa ikaduhang bahin, Ni balik nasad siya pero sa laing companya wala na siya sa QATAR naa na siyag SAUDI ARABIA sakit man paminawn nga mo biya nasad siya sa among pamilya pero nag pa bilin kaming himsug alang alang ka niya.

Ampo dinhe, ampo didto Pasalamat anhi, pasalamat adto

Pero sa wala damha! sakit ihuna huna ug nganu sakit hinumduman sakit, sakit, sakit sakit nga wala nimu damha nga mabuhat niya.

Mabuhat niya kay dagko nami? Dagko naming mga anak niya Anak ko niya pero ambot lang ug moangkon pa siya Dili lalim ang wala imong amahan sa imong mga pangandoy Pangandoy nga diin saksi unta siya sa tanan nga mao ni among mga nabuhat.

Maayu lang siya sa pirmiro pa Pirmiro niyang larga. Pangumusta dinhe, chat didto ug naunsa nami. Walay adlaw nga dili siya mangumusta namu Kay lage pirmiro paman.

Ge tuyu gali namung mama nga magpa taud ug wifi Kay arun ma chat siya nga naa rami sa balay Bahalag dako ang bayranan Basta lang maka pangumusta mig taman. Kay wala mi kahibaw ug naunsa na siya.

Loading kaayu Loading kaayu ang internet kay PLDT among gamit Bisag unsa ka loading ma chat lang siya Okay naming pamilya niya

Dili man diay lalim ang malayu ka sa imong amahan Amahan nga abi nimug tarung Tarung ra diay sa kinaunhan Pero mo kalit lang ug lami sa katapusan Sakita paminawn oy!

Si mama hilak diri, hilak didto Kaming mga anak guul anhi, guul didto Problema bisag asa Kay kung dili tungud niya Dili ma in ani among pamilya

Akong pangutana Nganung nabuhat niya Ang kaning mga butanga Nga kaming mga anak niya dagko na Dili pa ba siya kuntento o duwa duwa raning iyaha.

Kaguul sa kinabuhi ug in ani ang sitwasyun sa inyung pamilya Problema ang nadangpan Kay kung dili tungud sa akong amahan Dili mi makusgan ug kahibaw mo laban Kusgan sa mga panghitabo niining kalibutan

Si mama nag guul pag ayu Kay wala siya nag padala ug kwarta Kwarta kung diin i suporta sa iyang pamilya Pero sa wala damha Wala, wala, ug wala jud nagpadala na

Mayra jud wala mi nag salig sa sweldo sa akong amahan Kay kung nagsalig pami, nga nga unta mi rung panahona Ang panahon kung diin ako ug si mama naningkamot Paningkamot sa akong manghud ug sa akong pamilya Kung diin maka kwarta lang ug maka kaon taga adlaw

Pero wala ko magmahay ni ini akong mga desisyon Desisyun sa kinabuhi kung diin masukod nimu ang imong kaugalingun Dili lalim, nga mawagtangan ka Mawagtangan kag amahan nga ni suporta sa imoha Diin dawat ka ug unsa ka, bisag bayot paka.

Ginoo ko, Pamasalamaton gihapon ako Kay naa akong mama nga maoy ni suporta ug wala mi biyae Bisag unsa kalisud ug naa mi mga problema Nagpa bilin siyang AMAHAN namu nga maoy nag atiman

Lipay kaayu gayud ako Kay naa pa akong mga igsuun Nga nag suporta bahalag nagka lisud na Tinabangay lang sa usag usa okay na Kini among pamilya magpa biling lig on ni inhing kalibutana

Salamat diay sa akong amahan Kay kung dili tungud niya dili mi ma in aning kahimtanga Sakit man nga wala mi kahibalo ug nganu Pero kaning kasakit namu magpabiling kalipay Kalipay kung diin dili tungud niya, dili mi kahibalo ma kuntento.

Salamat sad sa akong mama Kay kung dili tungud niya Dili ko ug akong igsuun ma in ani Kung diin naka gradwar, naka trabahu, ug ni suporta sa among mga pangandoy Pangandoy nga kining pamilyaha bisag walay amahan nagpabiling kusgan

E ampo nalang nako akong amahan Ug asa man siya karun ge butang sa Ginoo Amping nalang kanunay Kay kaming imong gibiyaan Mag amping sad ug maningkamot nga mabuhi niining kalibutan.